eius, predicti Roggerii comitis filius, Roggerius comes successit. Hoc anno Raul Machabeo
Mons Caueosus mutatur.
Anno dominice incarnationis MCIJ indictione X Roggerius dux simul cum papa Paschali
obsedit Beneuentum maximo cum exercitu, nec destitit donec eo qui tunc in eadem ciuitate
principabatur expulso, cepit ipsam ciuitatem et ipsius pape iuri ac potestati eam dimisit.
Hoc tempore Boamundus dimissus et rediit in Antiochiam.
Anno dominice incarnationis MCV indictione XIIIJ dux Roggerius obsedit montem Sancti
Angeli cepitque ipsam ciuitatem et castellum eius mense Octubris. Mense uero Decembris
Boamundus a ciuitate Antiochia in Apuliam rediit profectusque, in Galliam anno sequenti
duxit uxorem filiam Philippi Francorum regis nomine Constantiam, ex qua Boamundus ipse
duos filios habuit; quorum quidem unus nominatus est Iohannes, qui puer mortuus est, alter
vero dictus est Boamundus, qui patri suo successit.
Anno dominice incarnationis MCVJ indictione XIIIJ Riccardus princeps Capuanus defunctus
est mense Iunii anno sui principatus XIIIJ. Cui princeps successit frater eius Robbertus.
|
|