tam vestrorum proposita cordium
praeparetis ad pacem, quam armis necessariis
corpora mumiatis ad conterendam una
nobiscum hostium venientium superbiam
Tartarorum.
Cap. XII.
Rex Franciae, Friderico Imperatori, super liberatione
Praelatorum regni Franciae, captorum
per ipsum.
Tenuit hactenus indubitanter nostra fiducia,
quod inter Imperium, et regnum
nostrum longo temporis tractu mutua dilectione
firmata, nulla posset exoriri materia,
odium et scandalum paritura. Cum praedecessores
nostri, felicis memoriae, Reges
universi usque ad tempora nostra, honorem
Imperii et sublimitatem zelaverint, et nos
qui post ipsos, Deo volente regnamus, in eodem
proposito tenebamur. Nec non antiqui
Romanorum Imperatores et nostri proximi,
unum et idem regnum et Imperium aestimantes,
unitatem pacis et concordiae servaverunt,
et inter eos alicujus dissensionis scintillula non
illuxit. Verum admirari cogimur vehementer,
et non sine ratione turbari, quod nulla offensionis
causa vel materia praecedente, Praelatos
regni nostri ad sedem Apostolicam accedentes,
cui tam ex fide quam obedientia tenebantur,
nec ejus poterant recusare mandata, in mari