et singula predictorum, observare et facere, atque firmum
tenere, tibi dicto emptori promitto, instrumento
semper existente firmo; confiteor etiam predictam terram,
vineam, boscum et rem, pro te et tuo nomine,
possidere donec in corporalem fueris possessionem ingressus,
dans tibi licentiam et potestatem ingrediendi
in eam, quandocunque tibi placuerit.
Insuper domina Guilielmetta, uxor predicti Ughi
venditoris, consensu predicti viri sui, et legimptime a
me infrascripto Bruno iudice et notario interrogata,
cum congruenti responsione sequenti, de iure suo ypothecarum
certiorata, predictam venditionem, obligationem
et alienationem, et omnia et singula a dicto
viro suo acta confirmans, dicte venditioni et obligationi,
alienationi et omnibus predictis et singulis consensit,
iuri ypothecarum et privilegio dotis et donationis,
et omni iuri sibi in predicta re vendita, et bonis
obligatis, conpetenti et pertinenti renumtians; et promisit
eidem Vassallo emptori, contra predicta, vel aliquod
predictorum, datum seu factum non habere, nec
in antea facere, et pro se suoque dato et facto preterito
et futuro defendere et expedire, et contra non venire,
nec bona pro suo iure defendere aliquo modo; et si
contra predicta vel aliquod predictorum fecit vel fecerit,
tunc, nomine pene, duplum unde ageretur, eidem
Vassallo emptori dare promisit, et omnia dampna et
expensas resarcire sub obligo potestatis predicte et post
firmum [et cetera].
Qui Ugo et Guilielmecta confessi fuerunt predicta
omnia dicto Vassallo observare et facere debere, unde
ego infrascriptus Brunus iudex et notarius, ex offitio
michi de guarentigia concesso, precepi eis ut predicta
dicto Vassallo observent et faciant.
Actum in castro de Leccio.
|
|