quorum unum Boamundus ipse uiriliter uicit, alterum uero imperator uicit, non tamen ui
sed insidiose agens.
Anno dominice incarnationis MLXXXV. indictione VIIJ dux Robbertus collecto agmine
iterato in ultramarinas partes statuit proficisci. Quod dum imperatori Alexio compertum esset,
suum direxit exercitum cum multitudinem nauium simul eum exercitu Uenecianorum, ut maris
iter duci prohiberetur. Contra quos dux Robbertus una cum filio suo Roggerio cum nauibus
suis non segniter progressus, cum eis acriter confixit mense nouembris, et nauali bello
commisso dux Robbertus una cum filio suo Roggerio uictoriam capiens, maxima cede prostrauit
eos. Quorum quidem multi in mare demersi, plurimi autem capti, nonnulli uero
uix per fugam elapsi sunt. Sicque prostratis hostibus dux ipse simul cum Roggerio filio exultans
tripudio adiit Boamundum filium suum, quem in terris quas ibi acquisierat dereliquit
cum suo exercitu, Costantinopolitanum imperium inuadere cupiens. Sed mense Maio
eodem anno papa Gregorius obilt, mense uero Iulio Robbertus Guiscardus magnificus dux
apud insulam Cassiopam esistens obiit morte comuni, maior sexagenario, anno ducatus eius
|
|