legitur. In sublimitate igitur constitutis necessarium est
sensatorum amministratione fungi, quia pars scientiae est
scienti coniungi. Pondus enim Romanę potentiae sine dubio
levigatur, si cum filiis prudentiae pertractatur. Prudentia vero
metitur exitus rerum et considerat qualitates singulorum
dierum. Sollertius namque de futuro consulitur, si id, quod
preteriit, ad memoriam reducitur. Perspicuum est quippe,
quod in diebus pueritię de baiulo ad baiulum, o cesar
HEINRICE, porrexit te Fortuna, sed transcurso Pytagoricę
litterę bivio iam non es cum his, qui mutantur ut luna.
Quibus remotis bene per temet triumphare coepisti; persevera,
moneo, quoniam perseverantibus numquam defuit virtus
Christi. Ne dubites neque formides, ad nichilum enim
devenient, quęcumque fumantia vides. Quod maius et
peius erat, transiit, quod minus est, restat; confide ergo, quoniam
divina propitiatio tibi de cęlo victoriam prestat. Enimvero
qui dedit terminum tenebris, adbreviat dies malitię,
prolongat autem fidelibus tempus letitię. Noli ergo fieri
|
1
5
10
15
|