17. De palatiis. Palatium magnum monarchiae orbis in quo
sedes et caput totius mundi est, et palatium Caesarianum in
Pallanteo. Palatium Romuli iuxta tugurium Faostuli. Palatium
Lateranense fuit Neronis, dictum a latere septemtrionalis plagae in
quo situm est, vel a laterrana, quam Nero peperit: in quo palatio
nunc est magna ecclesia sita. Palatium Susurrianum est modo
ecclesia Sanctae Crucis. In palatio Romuli sunt duae [h]aedes
Pietatis et Concordiae, ubi Romulus posuit statuam suam auream,
dicens: «Non cadet, donec virgo pariat » . Statim ut virgo Maria
peperit, illa corruit. Palatium Traiani et [H]adriani, ubi est columpna.
Palatium Antonini, ubi est alia columpna. Palatium
Neronis, in quo requiescunt corpora apostolorum Petri et Pauli,
Simonis et Iudae. Palatium Camilli. Palatium Iuli Caesaris,
ubi ipse requiescit. Palatium Cromatii. Palatium Eufimiani.
Palatium Titi et Vespasiani foris Romam ad Catacumbas.
Palatium Domitiani in Transtiberim ad Micam Auream.
|
|