videntur pauperes.
14. LANFR. Qui multum . Qui multum saepe collegerat,
id est, amplius quam gomorum non abundavit,
id est, non plus habuit quam gomorum, et qui
modicum scilicet collegerat, id est, minus habuit
quam gomorum. In Exodo autem ita habetur: Nec
qui plus collegerat, habuit amplius; nec qui minus
paraverat, reperit minus .
15. A nobis ad Domini gloriam . Ordo: A nobis
destinatam, ad Domini gloriam, et ad voluntatem.
16. Devitantes hoc . Quasi diceret: Ideo misimus
fratrem boni testimonii cum Tito, ne quis vituperet
nos in hac Epistola (52), eleemosyna, dicens nos ex
ea aliquid ad nostrum opus retinere.
17. AMBROS. Devitantes hoc . Ideo hoc subjecit, ne
negligens circa curam sanctorum judicaretur, si
segnius hoc ageret.
18. Providemus enim bona . Providet bona coram
Deo, dum quod jubet Deus circa ministeria sanctorum,
fieri docet coram hominibus, quia tales mittit
ad hoc opus exhortandum, qui probitate sua non
faciant eis scandalum.
19. LANFR. Providemus enim . Ideo, inquit, misimus
eos, ne ministerium nostrum vituperetur, existimando
nos esse fures, postquam viderint tot bonos
quibus accommodatur, vel propter hoc mittimus
tot, ne dicamur negligere illud mittendo unum,
et existimari esse fur, vel negligere illud; bonum
est nos evitare, ne simus causa malae existimationis
eorum; et hoc est quod dicit: Providemus enim
bona , etc.
20. Pro Tito . Dicit fratrem, quem mittebat, multam
fiduciam habere in eis, quia Titum et alios
apostolos bene tractaverunt.
|
|