per pietatis misericordiam removere», vel «salutem, et inopie
filiali succurrere, malignorum mendaciis reprobatis» vel «salutem,
et illum non deserere quem nature creavit», vel «salutem
et illi consulere cui deesse non possunt, ratione vel
consuetudine prohibente», vel «salutem et delinquentis
peccatis ignoscere redeuntis». Si autem filius vel filia fuerit
in dignitate, sic scriberet: «A. Dei gratia episcopus talis loci»
vel «prelatus» vel «abbatissa, reverendis parentibus A. et B»
vel «dilecto genitori B.» vel «honorabili ac carissime sue
matri C., salutem quam sibi».
XVI.
De fratre ad fratrem.
«Peramando fratri» vel «carissimo» vel «peramabili» vel
«diligendo et honorando» vel, si maior fuerit «metuendo domino
atque fratri suo B., C. cum fraterna dilectione salutem»,
vel «salutem et fraternum amorem» vel «salutem
et fraterne dilectionis affectum», vel «cum sincere dilectionis
affectu», vel «salutem et optati successus augmentum»,
vel «salutem cum fraterne dilectionis ardore», vel
«salutem et omne bonum», vel «salutem, et siquid salute
pretiosius invenitur», vel «salutem et quam sibi desiderat
sospitatem», vel «salutem quam sibi». Et idem in sororibus,
ut «diligende sorori B. morum elegantia plurimum decorate»,
vel «salutem cum fraterna dilectione». Et dativos convertas
in nominativos, et habebis responsivam. Si vero fratrum
aliquis erit in dignitate, sic dices: «Venerabili domino atque fratri
G. Dei gratia episcopo florentino, A. et B. seipsos cum fraterna
dilectione». Si autem erit abatissa, sic dices: «Domine ac
sorori plurimum venerande V. Dei gratia abbatisse talis loci,
A. et B. cum fraterna dilectione salutem».
|
|