Remigius Florentinus (Remigius Girolami): De subiecto theologie

Pag 54


per aliqualem adinventionem modi humani reductus, ad idem
etiam subiectum refertur. Ad argumentum vero dicendum
quod liber non semper intitulatur vel denominatur a subiecto
vel a causa materiali sed aliquando ab aliis causis, puta ab efficiente,
puta cum dicitur Liber Ysaie vel Ysaias , vel Paulus vel
Cato . Aliquando etiam ponitur finis, puta cum dicitur Ysagoge
Porfirii ad Predicamenta Aristotilis. Aliquando a forma vel modo
procedendi, sicut dicitur Liber posteriorum analeticorum, scilicet
quia per modum resolutorium procedit. Aliquando ab aliquo
alio accidente vel eventu, ut liber Macrobii Super Sompnium Scipionis .
Aliquando etiam ab eo quod continetur in libro, sicut
dicitur Liber decretorum vel Liber LXXXIII questionum . Et
sic iste liber dicitur et intitulatur Sententiarum quia continet
sententias Patrum theologicas, et antonomasice dicuntur sententie,
ut dictum est. In istis autem Sententiis id quod principaliter
intenditur Deus est.

Torna all'inizio