19. (1) ANOMINATIO.
(2) Anominatio est, levi quadam commutatione vel additione
litere vel litterarum, sillabe vel sillabarum, de una parte ad alterius
positionem acesio. (3) Fit similiter cum ad res disimiles
verba similia commodantur et sic fit annominatio multis modis.
(4) Contingit enim per subtractionem littere, ut: 'Hic veniit antequam
Romam venit'; similiter: 'Hic si esset bonus libenter
ferret onus'. (5) Fit per additionem littere, ut: 'Quos iste vicit eos
ferro statim vincit'. (6) Fit per eiusdem littere productionem, ut:
'Iste non curiam diligit sed curiam'. (7) Fit per addictionem litterarum,
ut: 'Hic sibi posset optime temperare nisi mallet obtemperare
amori'. (8) Fit per subtracionem similiter litterarum, ut:
'Cultor deorum despicit vivum Deum'; similiter: 'Vult mandatum
divinum ne ledat corpora nostra vinum'. (9) Fit per translationem
litterarum quandoque, ut: 'Tua doctrina magis est displicina
quam disciplina dicenda'. (10) Fit per imutationem, ut:
'Deligere oportet quem velis diligere'; item: 'Hic sapit, ille rapit;
hic docet, ille nocet'. (11) Fit per quandam imitationem que