corporis devotione recurrimus, ut, cum sollicitudo omnium ecclesiarum
instantia cotidiana vos excitet et a vobis, universorum capite, non solum
fidei membra dependeant, sed capita quelibet subalternata respirent, Calvensem
ecclesiam, que luctus suos superstite capite decapitata capitulat,
misericordibus oculis intuentes, venerabilem patrem … Calvensem episcopum,
qui sponsam sibi creditam pane vite et intellectus, quousque suo
regimini prefuit, cibare non desiit, qui gregem sibi subditum per prata
virentia circumspecta passuum salubritate transduxit, quem conscientie
sane sinceritas, devotionis oblate puritas et humilitatis innate pronitas
vobis hactenus substulerunt, ad maritalis thori consortium et ad caule
consuete presidium dignanter quesumus remittatis.
Domino Pape populus Calvensis, per Nicolaum de Rocca.
Etsi non sit humilium mentium superiorum acta discutere, nec eorum
sancta iudicia cogitationibus velle conscendere, quorum tenentur nutibus
obedire, interdum tamen humana superficiali nobiscum
meditatione revolvimus, qualiter imitatores Dei, statuentes in misericordia
et iustitia vias suas, viri quidem perfecti, viri apostolici, viri sancti,
suam in preside nostro suspenderint tanti temporis discursione clementiam,
|
|