per ignem, tunc apparebit signum filii hominis in celo et sancta crux. Et tunc veniet
Helyas et Enoch et preliabunt cum Antichristo. Et ille trahet tropheum suum et percutiet
Helyam et Enoch, et de sanguine eorum comprehendere debet turba celorum.
Et tunc veniet Dominus post tercium diem et suscitabit eos; et veniet Dominus et interficiet
filium perdictionis spiritu oris sui; et iudicabit Dominus seculum per ignem, et
comburetur subito omne seculum et in tremore destructum erit seculum. Hic est finis
seculi et dies iudicii. Beati qui parati sunt et digni in illa hora, quando hec fient, eritque
regnum sanctorum in eternum, regnabunt sancti cum Christo in secula seculorum.
Amen.
Prima persecutio Iudeorum. Tempus apostolorum. Herodes. Primum sigillum.
Secunda persecutio. Tempus martyrum. Nero. Secundum sigillum.
Tercia persecutio hereticorum. Tempus doctorum. Constantinus. Tercium sigillum.
Quarta persecutio Saracenorum. Tempus virginum. Macometh. Quartum sigillum.
Quinta persecutio filiorum Babilonis in spiritu. Machseimurus. Quintum sigillum.
Sexta presens est. Saladinus. Sextum sigillum.
Septima sequitur. Tempus calamitatis et miserie. Hic VII. rex est qui proprie:
Septem reges fuerunt, V occiderunt. Unus est et alius nondum venit; oportet illum brevi
tempore manere. X reges sunt , et alius surget post illos, et ipse erit potentior prioribus,
dicitur Antichristus, quamvis alius sit futurus post eum non minor in malicia, designatus
in cauda.
Sub porticu picta est avis magna, quae habet ungues magnos et septem capita. Unumquodque caput
corona tectum. Cauda avis est serpens magnus incurvatus, cuius caput coronatum est. Tunc adscriptum:
Tempus primi sigilli a Iacob patriarcha usque ad Moysen et Iosue.
Secundus est usque ad Samuelem et David.
Tercii a David usque ad Helyam et Helyseum.
Quarti usque ad Eçechiam.
Quinti ab Eçechia usque ad transmigrationem Babilonis.
Sexta a transitu Babilonis usque ad obitum Hesdre et Malachye prophete.
Septima ab obitu Malachye usque ad patrem Iohannis Baptiste.
In novo Testamento.
Apertio primi sigilli a Çacharia usque ad obitum beati Iohannis euuangeliste.
Apertio secundi sigilli ab obitu beati Iohannis usque ad Constantinum augustum.
Apertio tercii sigilli ex eo usque ad Iustinianum.
Apertio quarti sigilli ex eo usque ad Carolum.
Apertio quinti sigilli ex eo usque ad presentes dies, in quibus sub apertione sexta
percucienda Babilon.
Post erit sabbatismus populo Dei, qui delectabilis multitudine pacis, usque ad
ultimum Antichristum, qui expectatur in cauda draconis. In hoc sabbatismo exit
|
|