Dignum est, ut tu patrisses in celsis honoribus,
Redde patri suam formam corde, manu, moribus;
Prestet deus, ut hoc agas in multis temporibus.
Triumphator HEINRICE, ad te supplex fugio,
De profundis medullarum ad te solum mugio,
Ut, qui populantur sacra, perdat tuus pugio.
Dextram porrige iacenti in porticu laticis,
Quem non angelus, sed demon turbat cum scismaticis
Et cum hyrcis et cum capris, cum porcis silvaticis.
Non demergat me in amnem milleformis vipera,
Mortis vulnus ei detur de manu legifera
Et a plagis universis omnes tuos libera.
Si hec facis, carus deo eris et hominibus,
Per te fiet
pax in terra, et in cunctis finibus,
De te
dominum laudabit universus spiritus .
CAP. II.
REX CLEONEUS
Hoc operetur,
Quod Ptholomeus,
Qui Moysei
Dulcia scripta
Transtulit ad se