siccum sit, impurum <manat> a se prodeuntem calorem. Horum
quippe malorum vitia valde veremur, ne forte in tantum procedant
ut totus ab eis exercitus infirmatus, penitus, quod absit, labefactetur.
Unde hinc, si tue non displicet pietati, cito removendi
sumus, ut non morientes, cum salute etiam nostra Neapolim
non solum diebus estivis, verum etiam hieme, si necesse
fuerit, cohercere possimus". Quibus Rex auditis, mox eorum
miseritus, iussit obsidionem removeri, cogitans qualiter alio
modo, absque suorum discrimine, hostibus suis resistendum esset;
quamobrem magnam eiusdem expeditionis partem dispertiens
per singula oppida, que Neapoli viciniora erant, instituit uti eam,
ipso quoque discedente, instanter comprimerent, suique rebelles,
si quando forte usquam armati progrederentur, vicinius ab ipsis
possent restringi.
22
Quibus ita dispositis perrexit Cuculum, quod dum ipse a Sicilia
moram redeundi faceret, a pisanis, quos secum princeps duxerat
incassum, eo quod Neapolitanis, iubente ipso, adversaretur, ex
parte etiam fuerat subversum. Quod videlicet oppidum, quoniam
Neapoli propinquissimum existebat, ad arcendum eam quantocius
reedificans, melius etiam quam antea fuerat, opere firmari
precepit. Deinde previdens magis Averse restitutione rebellis
Neapolis posse restringi superbiam, perrexit illuc, atque eodem,
quo prius fuerat, iussit restaurari situ; atque ad eam inhabitandum
cunctos qui prius illam inhabitaverant redire permissit.
23
Interim autem dum Rege ipso cum suo exercitu presente
eiusdem civitatis instanter reparatio fieret, princeps et comes
magisterque militum Sergius, intra menium Neapolis septa conclusi
nesciebant quid agerent, videntes se omnes iam in proximo
fore superandos, ni forte undecumque adveniens succursus citius
adesset. Nam et victus inopia indefinenter angebantur, nilque quo
ad vitam cum suis sustentarentur, de foris per terram advectum
|
|