quadriennium, de speciali munificentia nostrae
benignitatis eximimus ut], usque ad tempus
ipsum completum, super his nullatenus
impetantur. Praesentis itaque privilegii autoritate
mandamus, quatenus nullus Comes, vel
Baro, nullus officialis, vel ejus vicarius, nulla
denique persona alta vel humilis, [ecclesiastica
vel mundana, dictos fideles nostros vel
aliquos eorum, contra hujusmodi gratiae nostrae
formam, temere impedire vel molestare
praesumat. Ab hujusmodi vero] participatione
gratiae nostrae prorsus excludimus duces,
et capita factionum, qui universitatem
ipsam verbis inanibus per invia deduxerunt:
quos videlicet, ut actus suos nefarios doleant,
et in salicibus organa calamitosa suspendant,
extra regni nostri limites merito sanximus esilio
puniendos, et omnia bona eorum stabilia,
fisci nostri juribus applicanda.
Cap. II.
Privilegium concessum comiti Acerrarum.
Opus in nobis egregium divina clementia
suggerente perficimus, si per lubrica
culpa deliramenta cadentibus misericordiae
celeris remedio subvenimus: cum augeatur
in subditis devotionis vigor et fides, dum
ipsos a culpis nostrae Celsitudinis humanitas
abluit, et nostri honoris titulus [devotorum
nostrorum devotione et fide crescente succrescat].