CXLVI.
Quid sit distributio.
Distributio est negotiorum in plures res aut personas
certa divisio, ut «beati pauperes spiritu, beati mites, beati
qui lugent».
CXLVII.
De licentia.
Licentia est quedam grata reprehensio in maiores, hoc
modo: «Patientia vestra facit, ut quidam minus debito vos
honorent.
CXLVIII.
Quid sit diminutio.
Diminutio est quedam sententie attenuatio causa maioris
benivolentie captande, ut «Gregorius episcopus, servus servorum
Dei»; vel sic: «Loquar ad dominum meum: cum
sim cinis et pulvis».
CXLVIIII.
Quid sit descriptio.
Descriptio est res consequentes perspicue dilucideque exponens,
ut si dicam: «Si apostolicus negligenter egerit, a tyranno
ecclesia conculcabitur, et cunctis periculum imminebit,
et tyrannus quasi leo rugire incipiet contra oves».
|
|