53 Item nota quod quando minor scribit maiori vel par pari et etiam
maior minori, nisi esset dominus eius, vel multo maior eo debes
loqui de recipiente pluraliter, et de mittente singulariter. Item nota
quod insuper scriptionem epistole quando minor mittit maiori vel
par pari non debes dicere «detur» quod datur a maiori ad minorem
confertur, sed potes dicere «presentetur».
54 Item nota quod huiusmodi dictiones me, te, se, michi, tibi, sibi,
importune se offerant dictatori. Dico quod ponas contenpta pro
continentibus ut si deberes dicere «te rogo», dicas «dilectionem
tuam rogo».
55 Item nota quod quando distinctiones copulantur per copulativam,
nisi in ultima distinctione, ut «demonstretur quod» puncti pro
copula suspensivi ponuntur, ut «Benedicat vos divina maiestas,
pater et filius et spiritus sanctus». Item nota quod in epistola non
debet scribi littera crossa nisi in principio clausularum, vel nisi illa
littera poneretur proprio nomine ut B.
56 Item nota quod iste coniunctiones, ut, quod, et quatinus , eundem
retinent sensum sed non ubicumque ponitur unum potest poni et
aliud, ut semper debet poni cum verbo subiunctivo, quod vero cum
subiunctivo et indicativo quod ad magnum sensum cognoscere
potest, quatinus semper debet poni post verbum deprecativum.
57 Posita narratione ponenda est petitio. Et nota quod licet aliquis
petat vel aliquem petentis tamen potest dici petitio. Hec sunt signa
petitionis: Eapropter, quapropter, quocirca, cuius rei causa, cuius
rei gratia, quam ob rem, unde, ideoque, ergo, igitur, itaque, sed
eapropter, quapropter, quocirca, ideoque sunt magis in uso. Item
nota quod in petitione est ponendum verbum deprecativum, et hec
sunt verba deprecativa: rogo, oro, exoro, precor, supplico, deprecor,
deposco, imploro , sed exoro et supplico sunt valde verba suppletiva,
et non debes ponere nisi quando scribis domino pape vel alicui
auxilio cuius multum indiges et predicta verba sunt ita vehementis
transitionis quod actus eorum semper debet determinari per aliquem
|
|