consulatis fideles, ut possitis securi penitentes fieri et salvi a
culpis. Et dixit: sint ora vestra ad laudes in hora tribulationis
et refrigerii, et tempore paupertatis et divitiarum. Et dixit: non
comendetis vos nisi ex vestris operibus, nec iudicetis iniuste; et
diligite magis paupertatem cum bono opere quam divicias cum
peccato, quia pecunia perditur et bona opera remanent. Non velitis
multum ridere nec unquam deridere. Et dixit: si percipiatis
in aliquo aliquam lesionem vel aliquam maculam, aut
aliam deturpationem, non dehonestetis vel derideatis eum, sed
redeatis ad Deum quia omnes estis creati ex una materia, et qui
derridet non assecuratur ut ad tempus non incidat in idem;
quare decet, quando videbitis quicquam et tale, elevare oculos
ad Deum gratificantes eidem de salute vobis concessa et petentes
misericordiam, quod vos custodiat. Et dixit: quando disputabunt
vobiscum contarii fidei cum asperis et fortibus verbis, non
respondeatis equo modo eisdem, sed cum mansuetudine et humilitate
dicentes Deo: domine, dirige creaturas tuas et duc eas
ad bonam credenciam et salvationem eternam. Et dixit: multiplicetis
taciturnitatem in consiliis nec solvatis linguas vestras
coram inimicis caventes ne eis, quibus vos percutiant, arma
detis, minuentes contensiones et superfluitates verborum. Et
dixit: vita anime consistit in sapiencia, et sapiencia in credendo
Deo; et credere in Deum est servare legem, quia sapientia et
credere in Deum non dividunt se ad invicem, nam, una existente,
altera erit, et si non erit altera, nec ipsa. Et dixit: non poteritis
esse iusti si non habueritis timorem Dei, cum quo acquiretis
spiritum sanctum qui aperit vobis portas paradisi per quas ingredientur
anime vestre ad animas mundas que merentur vitam
eternam. Et dixit; cavete a societate malorum et invidorum et
hebriorum et ignorantium. Et quando cogitabis bene facere,
bene facias incontinenti priusquam impediaris et retraharis voluntate
|
|