nonnulli tolerati sunt annuntiantes non casto animo
veritatem. Non tamen illi laudati sunt tanquam
annuntiantes casto animo falsitatem. Deinde de
illis dicit: Sive occasione, sive veritate, Christus
annuntietur .
11. LANFR. Propter invidiam , vel ne Apostolus solus
videretur praedicator, vel contendentes se pressuram
suscitare Apostolo.
12. Ex contentione Christum annuntiant . Neque
homines reducebant ad memoriam illud propter
quod Apostolus incarceratus erat, ut ideo magis
punirentur.
13. Existimantes . Vituperabant Christum, ut magis
puniretur Apostolus, qui ligari se passus est propter
talem Dominum.
14. Scio enim . Vituperationem etiam adversariorum
in Christum jaculatam pervenire sibi dicit in salutem,
quia quo magis propter eum punitus est, eo
amplius coronatur.
15. AMBROS. Et subministrationem . Largam mercedem
significat, quantam decet spiritum tribuere.
16. LANFR. In nullo confundar . Quod esset, si ab
incoepto destitissem, vel si quod spero non habiturus
essem.
17. AMBROS. Sive per mortem . Sperabat enim
Christo concedente mortem suam non fieri absolute
aut vane.
|
|