prevenimus, cum et in illis nostra gratia debitores efficiat et in istis
nos reddat liberalitatis debitum gloriosum. Ea propter etc.
Cogitat de imperii negotiis.
Quantum inter cetera cordis nostri desideria potissime affectemus et ad
id noster instanter exuberet et anhelet affectus ut negotium sacri Romani
imperii, quod, teste Altissimo, pro divini honoris fervore ad augmentum
catholice fidei et tuitionem ecclesiastice libertatis prompte prosequendum
subire curavimus, sic salubriter fine laudabili prosequamur, quod
quies temporibus nostris regnis proveniat, pax ecclesiis, concordia plebibus
et moribus disciplina, in nomine Domini.
Tractatur de negotiis imperii.
|
|