Absalon est ictus, sed nobis, non sibi scriptus.
Hofpni vel Finees perspice, qui levis es.
Vadat quisque vias, quas ivit rex Hezechias;
Nullus post Roboam, sed mage post Habraham.
Iura quidem morum libri docuere priorum.
Cesar, scripta lege, cum quibus ima rege.
Tum bene regnatur, cum princeps phylosophatur.
Gentis ubique decor, phylosophare precor.
Librorum cura reserantur sepe futura,
Per quos clausa patent; nocte dieque valent.
Sunt etenim libri defensio firma pericli;
Accedant timidi, mox fuerint rigidi.
Littera dando viam perducit adusque sophyam;
Sancta sophya notat, quicquid Hydea rotat.
|
1
5
10
|