CAP. X.—1. LANFR. Audeam . Ordo: Audeam in
quosdam; id est, aliquid molestiae inferam
quibusdam vestrum.
2. AMBROS. Per eam confidentiam . Confidentia itaque
fiduciam severitatis significavit, quam in Epistola
tantum habere putabatur; et ideo commonet ne
eadem severitate praesens utatur, sicut non
sperabant.
3. Nam arma militiae . Arma ideo dicit quia repugnant
vitiis.
4. LANFR. Arma militiae . Arma militiae Christianae
sunt virtutes, quae potentes sunt auxilio Dei, ut
destruant munita diversis calliditatibus consilia adversariorum,
sive hominum, seu daemonum.
5. AMBROS. Ad destructionem . Arma spiritualia
fides est incorruptae praedicationis, per quam vincit
munitiones, id est, principes et potestates nequitiae,
quae se extollunt et armant in fidelium animos ad
contradicendum Christo.
6. LANFR. Consilia destruentes . Superiori sententiae
conjungitur, non secundum carnem militamus.
7. AMBROS. In captivitatem . Captivat intellectum,
dum contradicentem rationem vincit, et ad fidem
Christi humilem et mansuetum inducit.
|
|