VII. [Foris Cripte] - Limpha foris cripte iuxta maris edita litus
A stomacho pellit debilitatis onus.
Sed nocet ydropicis, cum sit dulcissima potu:
Vim consumendi non habet, unde nocet
Leniter ignitos assueta refrigerat artus.
Pulmonem lesum sanat et inde Jecur.
Pectoris antidotum, tussis medicamen amicum.
Desiccata febris caumate membra rigat
Ip[s]a per occultos telluris ducta meatus
Subuenit egrotis est quibus egra cutis.
Ut dicunt veteres: satis est mirabile dictu.
Ipsa foris cripte bulla ministrat aquam.
|
1
5
10
|