29. LANFR. Si quis vos in servitutem , id est, carnales
observantias legis, quae servili timore implori
faciebat dicens: Si quis hoc, vel illud fecerit, morte
moriatur.
30. AMBROS. Si quis vos in servitutem . Redigebantur
in servitutem per stultitiam, ut famularentur
pseudo-apostolis.
31. Si quis in faciem . In faciem caeditur in cujus os
injuria irrogatur. Nunc hos significat qui, eo quod
essent ex genere Abrahae, obtrectabant eis quod
essent incircumcisi. Unde sequitur: Secundum
ignobilitatem dico .
32. AUGUST. (lib. I De sermone Domini in monte ,
c. 19, tom. IV). Si quis in faciem . Quid sit in faciem
caedi? hoc est contemni et despici. Quod quidem non
ideo dicit Apostolus ut illos non sustinerent, sed ut
se magis qui eos sic diligeret ut seipsum pro eis
vellet impendi.
33. LANFR. Si quis in faciem . In faciem caedere est
praeterita mala ad memoriam revocare.
34. Secundum ignobilitatem . Viriliter, inquit, dico
quasi impotentes (vel intentiores) fuerimus, id est,
facere; magnificentius enim possem dicere: quasi
nos potentiores non fuerimus quae faciunt facere.
35. A Judaeis quinquies . Quinquies verberatus
fuit, et in unaquaque percussione corrigia nodata
quadraginta percussiones sustinuit, una minus, quaque
vice. Vel quadragena vocatur ipsum flagellum
quadraginta corrigiis confectum, cum quo quinquies
se dicit percussum, corrigia omni vice retenta; sic
enim lex misericorditer fieri praecipiebat.
36. AMBROS. Nocte et die . Hoc factum est, cum
missus esset Romam, quia appellasset Caesarem, sic
|
|