de Montanis obviantes ab eo magnifice recepti et cum triumpho magno ad
civitatem Malmestiam sunt deducti. Ubi cum dux infirmaretur, visitavit eum
catolicus Armeniensis. Deinde profecti sunt Teio; deinde per quandam porte
stricturam pervenerunt ad castrum quod Gastorium nominatur; quod cum a
Salatino detineretur, Christianus exercitus a sagittariis impeditus est. Et tunc
patriarcha et princeps Antiochie occurrentes ducem et exercitum cum triumpho
Antiochiam deduxerunt. Ubi de consilio principis et patriarche moram fecit,
quousque marchionem Corradum de Monteferrad ad se vocaret, qui tunc in
Achonensi erat obsidione. Qua vocatione audita marchio, baronum comunicato
consilio, Antiochiam festinus adivit, transiens per Sur, ubi comitem Henricum
de Campania tunc applicantem maximo suscepit honore. Transiensque per Tripolim
viduas et orphanos et nobiles auro et argento sustentavit egenos, et applicans ad
portum Sancti Symeonis a patriarcha, principe et duce magno cum triumpho
receptus, civitatem ingressus est. Cui se et exercitum dux omnino commisit,
paternis asseverans obedire preceptis. Audiens hec Salatinus misit exercitum
sub Thachaadino fratre et Miraalino filio militantem, ut districtum occuparet
Barucci. Quod dux et marchio percipientes ad Achonensem obsidionem
navigio pervenerunt.
Quis fuerit iste quantusve marchio Conradus, retro seriem percurramus.
Guilielmus itaque marchio Montis- ferrati uxorem accepit dominam sororem domini
Corradi regis Romanorum et domini Friderici ducis Suevorum, de qua genuit
filios V, Willelmum Spadam-longam, Chorradum, Bonifacium, Fredericum et
Rainerium. Iste fuit ordo nativitatis eorum, quorum diversa fuere dona fortune.
Nam Wilelmum, specie decorum, virum militarem,virtutibus armatum, viribus
approbatum, patriarcha et rex Ierosolimitanus et eius regni principes asciverunt,
|
1
5
10
15
20
25
|