: Summa salutationum

Pag 275


[V] 11. Videndum est etiam de adiectivis pape, imperatoris et sic de singulis.
12. Notandum est, quod ista adiectiva specialiter conveniunt domino pape:
purissimo, sanctissimo, beatissimo; et ista conveniunt domino imperatori, videlicet:
serenissimo, excellentissimo, invictissimo et gloriosissimo. 13. Hoc
modo scribitur domino pape: «Sanctissimo in Christo patri et domino, domino
C. Dei gratia sacrosancte Romane ecclesie universali et summo pontifici, S.
licet indignus minister humilis monasterii Sancti Benedicti reverentiam tam
debitam quam devotam»; vel aliter «cum prona devotione et reverentia pedum
oscula beatorum»; vel aliter «quicquid devotionis inveniri potest». 14. Hoc
modo scribitur domino imperatori: «Invictissimo et gloriosissimo domino,
domino Frederico, Dei gratia Romanorum imperatori semper augusto Ierusalem
et Sicilie regi, R. de … suus debitus fidelis servus, ad vestigia pedum
oscula»; vel aliter «gloriosissimorum pedum oscula»; vel aliter «cum plena fidelitate
se ipsum totum».
[VI] 15. Item omnes salutationes patriarcharum, cardinalium, archiepiscoporum,
episcoporum sunt concluse. Set in quibusdam differunt. Dominus
Ostiensis et Velletrensis, qui maior est, ita se scribit: «S. miseratione divina
licet indignus Ostiensis et Velletrensis episcopus dilecto tanquam fratri karissimo
S. episcopo Reatino salutem et sinceram in Domino caritatem», vel aliter
«intuitu amoris affectum». 16. Set alteri vero cardinales, episcopi presbyteri et
dyaconi, vocant episcopos patres hoc modo: «R. miseratione divina licet indignus
tituli etc., dilecto in Christo patri … Dei gratia episcopo Reatino salutem
et sinceram in Domino caritatem». 17. Cardinales inter se hoc modo se salutant:
«Venerabili in Christo et amico karissimo etc.», ubi esset episcopus qui
appellari debet ab omnibus hominibus «pater», ut supra declaratum est.
[VII] 18. Item e converso eis ita scribitur: «Reverendo in Christo patri et
suo domino benefactori precipuo domino R., Dei gratia sancte Praxedis
presbytero cardinali, S. licet indignus miseratione divina Reatinus episcopus
cum animi subiectione pronum et promptum in omnibus famulatum»; vel
aliter «cum debita reverentia digna obsequia animi serviendi»; vel aliter «cum
tota reverentia se ipsum totum ad grata servitia».
[VIII] 19. Patriarchis ita scribitur: «Reverentissimo in Christo patri domino,
domino S. Dei gratia Ierusolimitano patriarche, R. licet indignus episcopus
Reatinus salutem cum sincera caritate et Domino Iesu Christo»; vel aliter «pure
devotionis obsequium»; vel aliter «cum omni reverentia devotum sicut Domino
famulatum»; vel aliter «pure devotionis obsequia cum salute»; vel aliter
«gratum in Domino famulatum».
[IX] 20. Archiepiscopis ita scribitur: «Reverendo in Christo patri domino
S. Dei gratia archiepiscopo etc., S. eadem gratia licet indignus episcopus

Torna all'inizio