(151) Tenor studii fructum affert modicum interruptus.
(152) Tenebrosa est anima quam lumen scientie non illustrat.
(153) Temerarius est qui multa se credit in brevi tempore didicisse.
(154) Ubertas rerum necessariarum est studentibus oportuna.
(155) Usus doctoris erronei multos precipitat in errorem.
(156) Ultra quam ferre possit ingenium discentis non est animus onerandus.
(157) Ubi est strepitus studentium ibi modicus est profectus.
(158) Uber honor et merces exhibita doctorem incitant ad studendum.
(159) Udo labilior est scientia quam non solidat frequentia repetendi.
(160) Xerophagi habent viam discendi melius castimargis.
(161) Xenodochio peregrinantium potest scolasticum ginnasium similari.
(162) Xerolopho est durior qui multo tempore nil addiscit.