vel picariolo aut aliis quibus nosti; ad ultimum disciplina tua obtures
ipsam.
De asperitate vocis. — Decurrit etiam ipsius humoris fluxus usque
ad tracheam arteriam vocisque asperitatem facit; sed tunc diaolibanum
tribuas vel pillulas que recipiunt olibanum, castoreum,
miricem; cum melle distempera et istud electuarium tribuas cum
vadis dormitum; quod si humor iste in soliditatem nares obturando
versus fuerit, ita subvenies: oxiracroceum cum alumine permixtum
vel tartaro magdalionibus factis naribus admoveantur.
De polipo. — Nascitur ex isto humore quedam caruncula in naribus
que indurata in polipum transit; quam si volueris curare,
utaris ruptoriis, deinde corrosivis ad ultimum consolidativis; auripigmentum
cum lacte titimalli distempera et super polipum pone;
similiter rumpit cedria cum lacte eodem vel calx viva; deinde
corrodas cum hermodacetilibus vel galla seu viride eris quod nos
componimus. Ad ultimum consolides cum simphito, aristologia rotunda,
vel cum aloe vel cum olibano.
De fetore narium. — Contingit etiam sepe quod nares fetent cum
scissuris in partibus infimis. Purges eos cum theodoriton yperiston;
dabis auream alexandrinam ad confortandum; inunges cum
unguento citrino rimas. Si autem habuerit ulcera in naribus ex
quibus fetur oritur, purgabis ulcera cum mulsa, deinde consolides
ea cum desiccativis et glutinativis supradictis.
De scissura labiorum — Accidit multociens scissura in labiis cum
minutis vermiibus; sed ut vermes cadant semen jusquiami, cassula
intromissum super calidum ferrum ponas; deinde patiens fumum
recipiant et sic liberabitur. Sed ut scissure claudantur, nitrum, fabam
nigram, stercus asinum equali pondere combures, et singulis
diebus, prius tamen labiis melle inunctis, pulverem
supersparge.
De eodem, si in pueris fit. — Scinduntur etiam labia in pueris
aliquando casu, aliquando aliqua extrinseca causa. Hec est cura:
duas acus ex transverso inducimus per labia filoque ligamus, deinde
pulverem cinnamoni superspargimus et sic consolidantur.
De gingivis. — Humor autem flegmaticus quandoque decurrit
ad gingivas et putridas facit, vel cancerosas, vel sanguinolentas. Ad
sanguinolentas flebotomabis venas que sub lingua habentur et sic
evadent. Si autem fuerint comeste, ut mala etiam caro corrodatur,
alumen supersparge; qua comesta consolidativis utaris et desiccativs,
scilicet pulverem ossis olive supersparge vel ossis dactili
vel corticem maligranati cum cinnamomo trita; mire prodest;
folia levistici agrestis cum sale trita subtiliter operantur. In palato
autem aliquando calore, aliquando calido cibo excoriationes fiunt;
habeas confestum licium et cum rosacea aqua distempera et ad mansionem
inunge.
De lingua usta. — Ad linguam ustam cerusam cum camphora
tere et aqua rosacea distempera et in ore teneat; vel mitridatum
cum aqua rosacea distempera et diu in ore teneri precipias; si fuerit
|
|