sancte Resuretionis construxit, que usque hodie certificatur ab omnibus
incollis illius regionis vera esse indicio tanti miraculi. Iam
denique pro tam evidentis signi admiratione magis ac magis
sanctitas ab omni populo laudibus extolebatur, maximusque honor
reverentie illi a cunctis exibebatur. Quod cum tanti honoris
gravisimum pondus cum .insolenti fastu secularium ponderosum
divina inspiratione previderet, ut erat mire simplicitatis atque angelice
inocentie, toto conaminis studio satagebat quod posset se aleviare
a tam periculoso honore atque a secularium vana pompositate sui
presentia declinare uti, semotus a mundi huius momentanea ac
umbrate dignitatis imaginatione, Deo secutus cui iam in mente
inherebat , sedula studiositate valeret totis nisibus animo et
corpore militare. Hec itaque sepius revolvens in mentis anhelitus
secreto, tamdem miseranti[s] Dei fretus sacri spiraminis conscilio,
omni postposita qua videbatur insigniri honoris specie
deliberavit secedere clanchulo a proprie habitationis mundana dignitate,
vernantis loco. Relictis denique tocius mundialis glorie
decoloramentis, perlustratis diversarum regionum secrecioribus
heremis ac montium cacuminum deviis anfractibus peragratis,
si quem inveniret locum heremite vite congruum officinis,
|
|