Iohannes Monachus: Chronicon Vulturnense, I

Pag 353


dederat beato Petro, civitates et territoria per designata confinia:
scilicet a Lunis cum insula Corsica, inde in Surianum, inde
in montem Bardonem, inde in Vercetum, inde in Parmam,
inde in Regium, inde in Mantuam, et montem Silicis,
universum Exarchatum Ravenne, cum provinciis Veneciarum, et Hystrie, adiuncto
ducatu Beneventano et Spoletino. in quo videlicet ducatu Spoletinorum,
post Agiprandum, dux fuerat constitutus Hildeprandus,
vir omnino catholicus, qui multa dona monasteriis servorum Dei
contulit, sed precipue monasterio Beatissimi Vincencii. igitur
capta Papia, et subiugata sibi Italia, rex Carolus, coronam Romani
imperii accipiens, filios suos Pipinum et Ludovicum reges constituit,
cum quibus crebrius Beneventum adiit capessendam. quo tempore
Arichis, gener iam fati Desiderii regis, Benevento dux erat.
qui civium saluti consulens, datis duobus liberis vice pignoris, cum
illis pactus est, cum quibus coronam auream, et maximam thesaurorum
partem tribuit. quibus recedentibus, predictus Arichis,
illorum metus occasione, iuxta Beneventi || menia civitatem novam
construxit, sed et urbem munitissimam antiquitus conditam Salernum
restauravit. templum eciam opulentissimum Domino infra

Torna all'inizio