Anno dominice incarnationis MCXXJ indictione XIIIJ <mense Iunii> Calixtus papa cum
multitudine armatorum obsedit Gregorium papam, cognomento Burdinum, qui secesserat in
ciuitatem Sutri; ab obsidione Callixtus papa destitit, donec Burdinum cepit, captumque
direxit in monasterium sancte Trinitatis de Caua.
Anno Domini MCXXIJ indictione XV. Hoc tempore Calixtus papa peruenit usque
Calabriam causa componende pacis inter ducem Wilhelmum et comitem Rogerium Sicilie,
quod minime facere potuit. Set mense Februarii dux et predictus Roggerius comes inter
se paciscuntur, et acceptis a comite Roggerio septingentis equitibus exeredavit comitem
Iordanum.
Anno Domini MXXIIJ in mense Aprilis Baldainus rex Hierosolime capitur a paganis
dum rediret de Antiochia, set breni tempore dimittitur.
Hoc tempore in mense Iunio Roggerius comes Sicilie cum turba non exigua equitum
et peditum transfretauit in Calabriam et castellum sancti Mauri nomine cepit et cremauit.
Hic autem Calixtus papatum Romanum in pace et tranquillitate possedit et urbem Romanam
in pace et tranquillitate possedit et urbem Romam pro sua voluntate disposuit. Sedit
autem in episcopatu Romano annis VII. Rome mortuus est et honorifice sepultus.
|
|