filium vidua Sareptana, et ab Eliseo Sunamitis.
10. Meliorem invenirent . Meliorem resurrectionem
vocat excellentiorem gloriam in resurrectione,
quanto enim magis quis patitur, tanto magis
coronabitur
11. In melotis, in pellibus . Vestimentum est ex
pilis, ut aiunt, camelorum factum, quo vel caprinis
pellibus quis in veteri populo Judaeorum usus sit,
aperte Scriptura non dicit: Joannes autem Baptista
usus est.
12. Repromissionem . Beatitudine animarum recepta,
resurrectio corporum, quam sanctis suis promisit
Deus, ideo adhuc differtur, ut simul omnes
resurgamus, quatenus, in communi gaudio omnium,
majus fiat singulorum.
CAP. XII.—1. LANFR. Impositam nubem . Multitudinem
sanctorum vocat nubem, quia verbis pluunt
et miraculis coruscant.
2. Omne pondus . Pondus vocat peccatum, sicut in
psalmo: Quoniam iniquitates meae supergressae sunt
caput meum; sicut onus grave gravatae sunt super me
( Psal . XXXVII).
3. Consummatorem , id est, qui nos consummabit,
id est, animae et corporis perfectam beatitudinem
dabit.
4. Gaudio . Vel regni coelestis, vel regni terreni,
quod sibi oblatum est.
|
|