satis procurat amicos. Cumque paschales instarent ferie,
convenientes in unum instructa atie protinus in castra consurgunt
impetu et clamore non modico. Nec minus obsessi
ruptis claustris ex omni parte prosiliunt. Arlembaldus
autem tanto positus in discrimine, arreptis armis audet cum
suis paucis iuxta vires obsistere, signifer ipse factus. Et nisi
sua suorumque pugnasset audatia, dies illa sibi fuisset extrema.
Videntes autem multi paucorum constantiam, ultro
recedunt educentes secum ab oppido Gotefredum. Hos longe
persecuti sunt Mediolanenses conglobati repente simul et
qui in castris fuerunt et qui in urbe remanserant; nec a
persequendo diebus aliquot cessarunt ac noctibus, donec in
summa constrictos neccessitate coegerunt illos iterum
Castilionem intrare.
23. Post hec redeuntes ad urbem iureiurando definiunt
Gotefredum numquam recipiendum, imo alterum de catalogo
|
|