omni loco dominationis eius benedic, anima mea, Domino». Et
dixit angelus Domini ad sanctum Britium: «Hic erit tibi habitatio
tua usque in die, quo uenerit Dominus iudicare seculum per
ignem». Et benedixit eum, et ablatus est ab oculis eius.
Sanctus uero Britius prostrauit se in orationem, et cognouit,
quod angelus Domini esset, et benedixit Dominum, et confortatus
est. Et cepit predicare uerbum Domini omnibus regionibus sub
montana Martulanae, et crediderunt in dominum Iesum Christum,
et baptizauit eos in nomine Patris et Filii et Spiritus Sancti: et
creuit multitudo Christianorum. In eo loco, ubi angelus Domini
benedixit eum, sanctus Britius suis manibus modicum oratorium
construxit, et nomen loco imposuit Salustianum, eo quod salutem
animae ibi accepisset. In eo loco montuosis subiacet Geniolati.
Qui angelus Domini de eo loco post tergum reuersus, perrexit
ad carcerem, ubi Carpoforus presbyter et Habundius diaconus
|
|