219
VITA ET OBITUS S. IUUENALIS EPISCOPI NARNIENSIS
Vita et obitus s. Iuuenalis episcopi Narniensis
(recensio Beneventana)
1 Cum de uniuerso orbe terrarum omnipotens et pius Dominus
sanctos suos eligeret, ut membra capiti compaginaret, ut
scriptum est: Ubi fuerit corpus, illic congregabuntur et aquilae,
ut incredulis gentibus ad predicandum et manifestandum suam
gloriam eos destinari maluisset, quatenus impleretur hoc quod
per prophetam dictum est: Illuxerunt coruscationes tuae orbi terrae;
et iterum: Vox tonitrui tui in rota, contigit ut Nequine celeberrimae
urbi patronum et defensorem grumeret sanctissimum
sacerdotem Iuuenalem futurumque episcopum, ut eius uineam
excoleret et colendo uberiores botrones redderet; de quorum melopso
liquore uniuersus populus satiaretur.
2[ ].
3 Sicuti Romae, quae princeps et domina urbium est, annuit
principes apostolorum Petrum ac Paulum, ab Oriente uenientes,
ut sibi operarios, ac demum Italiæ, Tusciæ, Campaniæ
sarmenta paginaret. 4 Sicut Sebastiae attribuit Ioannem
Baptistam; Hierosolymis, prouincia Syriae, duos Iacobos et
Mathiam, ac Stephanum; Patras, prouincia Achaiae, Andream
apostolum; Ephesi, prouincia Asiæ, Ioannem Euangelistam;
Bartholomeum Lycaoniae, prouincia Armeniae; Thomam <in>
Indiam Agarenorum; Philippum Hierapoli, prouincia Asiae;
Matheum Armenia, quae est possessio in terris Amonitorum;
Simonem Chananeum Chorinti, in terris Quaddi; Marcum
Alexandriae, prouincia Egipti; Lucam Beotiae, prouincia Mesopotamiae.
5 Et per eorum patronatum et merita simulque
cultura et uinea exuberaret in racemis, et orbis totus floreret
per gloriam predicationis.
|
|