Castro, terra, familia et bonis suis omnibus,
tam stabilibus quam mobilibus, in nostrae gratiam
recepimus Majestatis: offensas omnes et
culpas, quas erga nostram Excellentiam et fideles
nostros, verbo vel opere potuit hactenus
commisisse, sibi et haeredibus suis misericorditer
indulgentes: dummodo, quod coepit, opere
fideliter prosequatur, et in nostra devotione
persistentes, se nostris servitiis exhibeat
gratiorem quotidie per effectum. Universitari
fidelium praesenti scripto mandantes, quatenus
eum decaetero tanquam fidelem teneant, et in
omnibus conservent indemnem, et ut nullus
sit qui ipsum aut haeredes suos in fide nostra
constantes, aliquatenus in personis aut rebus
molestare praesumet. Quod qui praesumpserit,
etc.
Cap. XXI.
Concessio advocationis officii in quibusdam terris.
Notum facimus fidelitati vestrae, quod nos
confisi de prudentia et legalitate N.
de N. fidelis nostri, de cujus fide et sufficientia
laudabile testimonium Serenitas nostra
recepit, officium advocationis in terris ipsis
eidem duximus concedendum, ut illud ad honorem
et fidelitatem nostram debeat decaetero
fideliter exercere. Quapropter fidelitati vestrae
praecipiendo mandamus, quatenus, postquam
vobis constiterit per literas justitiarii regionis
ipsius, ipsum fidelitatis et officii praestitisse
debitum juramentum, de omnibus quae ad officium