de Feraria et de Bononia anbe partes. Et tunc fuit mortuus Rigus [dictus Calçarus] de
Manfredis, in prelio in ipsa civitate; postea vero partes ad invicem concordaverunt, et pars
Acharixiorum dedit tres obsides parti Manfredorum pro bono pacis et concordie, scilicet
Napulionem filium domini Acharixii.... filium domini Çanbraxini et.... filium fratris Gherçii
domini Boccacii; qui obsides ducti fuerunt in forciam domini marchionis de Feraria, qui fecit
eos duci et poni in castro Guilielmo, et ibi, mala et pessima morte, occisi fuerunt.
Eo vero anno reelectus fuit dominus Branchaleo de Andalo senator urbis Rome, et illuc
ivit honorifice et potenter, et ibidem obiit veneno sibi dato.
Millesimo ducentesimo quinquagesimo octavo, indictione prima. Dominus Albertus de
Grego de Mantua fuit potestas Bononie, et fuit bonus et comunis potestas, et multos malefactores
interemit tempore suo.
Millesimo ducentesimo quinquagesimo nono, indictione secunda. Dominus Iacobinus
Rangonus de Mutina fuit potestas Bononie.
Millesimo ducentesimo sexagesimo, indictione tercia. Dominus Lanfrancus Ususmaris de
Ianua fuit potestas Bononie. Hoc anno fuerunt magni rumores inter partes in civitate Bononie,
in die Pasce Resurectionis, post prandium.
Millesimo ducentesimo sexagesimo primo, indictione quarta. Dominus Mattheus de Corigio
de Parma fuit potestas Bononie.
Millesimo ducentesimo sexagesimo secundo, indictione quinta. Dominus Andreas Geno
de Veneciis fuit potestas Bononie.
Millesimo ducentesimo sexagesimo tercio, indictione sexta. Dominus Iacobus Tavernerius
de Parma fuit potestas Bononie. Hoc anno pars Briciorum de Imola fuit expulsa per partem
Mendulorum et dominum Petrum Paganum; postea vero comune Bononie venit in exercitum
super Imolam, et rediit in comuni, et, dicta occasione, multi ex magnatibus de Bononia fuerunt
missi ad confinia, scilicet una pars Pisas, et alia Venecias.
Eo anno mortuus fuit dominus Uguicio de Arientis, quem occiserunt dominus Maghinardus
comes de Panici et Goxadini.
Item, eo anno, fuerunt spanate fovee civitatis Imole, de voluntate hominum ipsius civitatis,
pro bono et pacifico statu ipsius.
|
|