Marie penitus combusta atque dissipata, exarsa est quoque ac
destructa quedam mirabilis imago, que fuerat facta in muro
ipsius ecclesie versus ecclesiam sancti Petri supra atrium ipsius
ecclesie sancti Petri ex auro purissimo atque splendidissimo
decorata, cuius similis in Italia nunquam fuit amplius visa
et que fuerat facta ad imaginem domini nostri Iesu Christi;
ante quem item quedam alia pulcerrima imago facta ad
imaginem sancti Petri et ex eodem auro deaurata stabat, que
similiter exarsa atque liquefacta ac penitus destructa est.
Quod illi, qui supra ipsam ecclesiam sancti Petri fuerant et
acriter eam defendebant, videntes nec ullum occursum a Romanis
habere posse cernentes, maximo timore perterriti statim
imperatori se ac ipsam ecclesiam tradiderunt; ac ipsi iurantes
se nunquam ipsam ecclesiam contra imperatorem nec eius
partem amplius defensuros, statim imperatori fidelitatem iuraverunt.
Sicque eos imperator abire dimisit.
Igitur sequenti die dominico proximo veniente predictus
papa Paschalis cum suis cardinalibus in ipsa ecclesia sancti
Petri missam honorifice et cum magno gaudio celebravit; in
ipsoque die in capite imperatoris circulum aureum tantummodo
imposuit. Sequenti namque Martis die, in quo fuit tunc
festivitas sancti Petri ad Vincula, que fuit in kalendis Augusti,
predictus papa Paschalis dominum Fredericum imperatorem
|
1
5
10
15
20
|