infra civitatem ex illa parte Tiberis se recipientes ac multum
pavidi stantes, ex hac Tiberis parte postea venire ausi non
fuere. Illi autem, qui ex parte iam dicti pape Alexandri
fuerant et ecclesiam sancti Petri ab ipsius Alexandri parte tunc
tenebant et qui ipsam ecclesiam causa belli faciendi ac se
defendendi bene munierant, ipsam ecclesiam sancti Petri a
parte ipsius Alexandri viriliter defendentes: imperator in ipsa
ecclesia nullo modo intrare tunc potuit. Imperator namque
per totam hebdomadam quotidie eos invadens ac prelio ipsos
infestans: tandem Teutonici, cum eos per virtutem se capere
non posse prospexerunt, in proximo die sabbati infra ecclesiam
beatissime virginis Marie, que etiam de Laborerio dicebatur
et que scita fuerat supra scalam sancti Petri ante atrium ipsius
ecclesie sancti Petri, ignem supponentes, ipsam ecclesiam
combussere. Ipsa vero ecclesia sancte Marie comburente, ex
ipsa quidem prosiluit ignis in ecclesia sancti Petri, et ex ea
pars qu[oque] exarsa est. Tota iam dicta ecclesia sancte
|
1
5
10
15
|