Otto Morena et continuatores: Historia Frederici I

Pag 67


tunc de Madio octavo kalendas Iunii de indictione VIIª,
equites Mediolanenses primum Laude post pacem factam
invadentes, domino nostro Yhesu Christo Laudensium miseriam
precavente et ipsis malum iniuste et sine ulla racione
fieri non ignorante; et quia in tam preclara iocundaque festivitate
Mediolanenses tunc Laudenses invaserant, Laudensium
equites tunc foras prosilientes ac cum ipsis in campo certantes
eosque Dei magis quam ipsorum virtute maximo robore devincentes:
Laudenses ex ipsis quattuordecim vivos ceperunt.
Duos vero ex eis, scilicet Arnaldum Cagatosicum, equitem
nobilem ac fortissimum, et quendam alium, interfecerunt.
Reliquos namque plus de quinque miliaribus viriliter fugaverunt.
De equis autem plus de quindecim habentes, cum
magno gaudio domum reversi sunt. Statimque eorum legatum,
qui ea omnia, que ipsis acciderant, per ordinem narraret, ad
imperatorem direxerunt. Imperator itaque ac curia eius tota
verba, que audire cupiebant, audientes ipsosque Laudenses
magnos ac mirabiles equites fore dicentes, ipsa verba alacriter

1



5




10




15


Torna all'inizio