et hęc cartula diffinitionis et refutationis firma permaneat. Ego
Sarracenus, et Optavianus, et Girardinus, et pręsbyter Rainerius,
et Paganus, et Rainucius hanc diffinitionem et refutationem fecimus.
ego Nycolaus iudex scripsi. ego Tancredus Petri Berardi,
et Petrus Heurici Alberici, et Ofreducius Petri Girardi rogati
in hac cartula diffinitionis et refutationis testes sumus.
Adam. In Dei nomine. breve recordationis ac promissionis
et obligationis facio ego domnus Beraldus abbas Farfensis monasterii,
consentientibus eiusdem cenobii fratribus, ad vos Enricum
filium Rodulfi, et ad Senebaldum, Transericum, ac Munaldum et
ad vestros heredes, quod ab hodie in antea adiuvo vos sine fraude
ab hominibus omnibus, excepto Rainerio Todini supra terram
suam, exceptis filiis Octaviani supra terram illorum, si dederint
illorum portionem monasterii Sancti Salvatoris. et si aliquis ex
vobis vel vestris heredibus ad monachicum ordinem in nostro
monasterio venire voluerit, accipiemus eum sine omni alia datione
nisi quam ipse facere voluerit. et concedo vobis iustam
paterentiam de portione monasterii Sancti Salvatoris quam in
nostro monasterio dedistis, et de rebus sibi pertinentibus similiter
promitto quod nec vendo nec cambio illam predictam rem quam
in nostro monasterio contulistis, absque vestro consilio. et siquis
vestrum quotiescumque in nostra curia erit, maneat in consilio
nostro ubi sunt vestri equales. quod si omnia que superius promittuntur
atque denotantur non observaverimus vel adimpleverimus,
pro his omnibus promitto et obligo me et meos successores
componere vobis predictis vestrisque heredibus bonorum
denariorum papiensium libras viginti nomine pene, et pena soluta
hoc breve omni tempore maneat ratum, quia sic per sacramenta
firmatum est. et factum est.