Monasterio praesset (cujus nimirum
temporis actus et instrumentorum principium
fit in anno Incarnationis Domini millesimo nono
decimo ) duo fratres Deodatus et Bonizo
pro anima Roczonis genitoris eorum tradiderunt
in Monasterii proprietatem praediorum
quod habebant in vocabulo Petaczano.
Temporibus hujus Adae venit Henricus Imperator
in Italiam, et quidquid de oppressionibus
Monasterii Piseariensis per Monachos ejusdem
loci scire potuit, augustaliter emendavit.
XVI. ABBAS PETRUS.
Tribus annis tantum Adam Abbas vixit,
ex quo regimen suscepit, et mortuus
est. Cujus in loco successit Petrus; qui cuidam
Berardo Presbytero, et aliis viris ejus sociis,
concessit scripto praestariae de rebus Monasterii
in Muscuso, vocabulo de Sancto Rustico, terras,
et vineas, acceptis inde solidis decem et
octo. Eodem anno mortuus exstitit quo fuerat
Abbas institutus.
1023.
XVII. ABBAS STEPHANUS.
Deinde fratres eiudem Ecclesiae elegerunt
Stephanum, qui coepit abbatiari anno
Dominicae Incarnationis millesimo vicesimo
tertio. Tunc enim quidam Adam, filius quondam
Roccae, tradidit pro anima sua Sancti Clementi
medietatem omnium rerum suarum,
quas habebat per loca et vocabula, Petaczano,
Vadulato, Stabuli, Vico, et Rajanello,
sicut in chartula continetur. Fecit etjam Stephanus
Abbas tempore suo praestarias, videlicet
cuidam Johanni concessit de rebus in Breliano
acceptis inde solidis triginta.
Decem homines erant in Villa, qua vocatur
Inter aquas, posita in Valvensi Comitatu,
quae Villa erat iuris Monasterii Sancti Clementis
a priscis temporibus. Qui homines videlicet
Suppo et Sabinus, et reliqui, quorum nomina
chartula tradit, pervaserant possessiones Sancti
Clementis habitas in Valle Mesera supra ipsam
Villam. Unde cum easdem possessiones tenerent,
et inde nollent Ecclesiae servire, Stephanus
Abbas coegit illos in causam venire, ac
infra Civitatem Sulmonem, ubi Beraldus Comes
Valvensis, et Berardus frater ejus, cum
multis aliis nobilibus viris, atque Provinciarum
Judicibus in placito pro justitia facienda
praesidebant, confutavit acque devicit; et faciens
illos consessos in ipsi Ecclesiae rebus nihil
juris habere, a possessionibus habitione
projecit, et terram ipsam in jurisdictionem
Ecclesiae convertit.
XVIII. ABBAS PEPARUS.
Stephanus autem Abbas cum uno tantum
anno esset in regimine, in secundo accepit
moriens temporalis finem vitae. Cui successit
Peparus, cuius actus nesciuntur, quia neque
chartulis, neque opinione reperitur quid
fecerit, vel quantum vixerit, verum nomen
ejus post Abbatem Stephanum in catalogo ponitur,
et in fine libri primi nomine tenus tantum
describitur.
Jam vero Piscariensium Abbatum successio
ad Domnum Guidonem pervenit, ipsique contradit
Monasterii pondus. De quo quia plura
sumus locuturi, aliquantulum pausare debemus,
et dare fessa membra quieti, ut ad loquendum
de tanto viro paratiores possimus
inveniri.
Explicit Liber Tertius.
|
|