veniendo in brachio excelso, et manu potenti:
ad ipsorum Parmensium malitiam, ut
convenit, totaliter refrenandam: et quod jam
cum innumerabili exercitu apud castra applicuerat
contra Parmam, et usque ad caput pontis
civitatis ipsius, quod ad tertiam partem terrae
illius capi et expugnari fecerat viriliter et
potenter, et sic successive omnem ipsorum fortitudinem
expugnando, tam civitatem ipsam,
quam comitem Bonifacium, et alios plures
Imperii proditores inibi existentes, velut detrusos
in eadem, victrix manus Imperii capiet,
et conteret prout decet.
Cap. CXVIII.
Item, idem super eisdem, et hortatio ut se
parent.
Vestrorum corda, velut Imperii fidelium
devotorum, de prosperis novis contingentibus
recreari volentes, de sinistro casu
civitatis Parmensis, qui nuper accidit eorum
malitia insurgente: ut una nobiscum proinde
recreati, ad exaltationem Serenissimi patris
nostri, et ad Parmensium ipsorum malitiam
refrenandam, qui viam rectam vera fidelitatis
obliti, in sinistram partem eorum pravos
animos converterunt: assumptis viris vestris
et aliorum Imperii fidelium jurisdictionis
vestrae, in manu forti contra eos viriliter procedere
intendamus: vestra noscat serenissima
devotio et commendata fidelitas, nos a magnifico
viro domino H. illustri rege Sardiniae, recepisse
literas in hac forma: Nobili viro Friderico