que et de Serravalle dicitur, iverant, adeo robuste Laudenses,
quos invenerunt ibi, expugnaverunt, quod ipsi intra portam
ipsius pusterle vi maxima impulsi vix potuerunt ipsam portam
claudere. Qua clausa Mediolanenses foris supra fossatum
iuxta tolimen euntes, in quibusdam partibus ipsum tolimen
extirpaverunt, ita etiam quod aliqui ipsorum in Serravallem
intraverunt, Laudensibus resistere non valentibus. Quod
Laudenses considerantes, maximo timore perterriti, plurimi
ex eis usque ad alium fossatum de Serravalle fugierunt. Alii
vero pocius mori volentes quam civitatem sic amittere, Mediolanensibus
acriter obviam occurrendo illos, qui intus venerant,
summa vi eiecerunt, duobus ex eis occisis ac duobus aliis exire
properantibus et in Aduam corruentibus ibi mortuis; alii vero
omnes pre timore nimio de fossato transeuntes vix de fossato
exire valuerunt. Et ibi fuit interfectus Tebaldus Bardonus
a Mediolanensibus; et multi alii Laudenses fuerunt ibi vulnerati.
Levaglesia quoque Gambarus Mediolanensis ictu
petrerie occisus fuit. Quidam vero alii de Mediolanensibus
per mediam paludem de Silva Greca intrantes et fossatum
transeuntes supra costam civitatis ascenderunt ex ea parte,
|
1
5
10
15
20
|