adjecit benedictionem. Non tantum, inquit,
circumcidantur, sed abscindantur; sic enim fiunt
spadones propter regnum coelorum, et carnalia seminare
cessabunt.
13. LANFR. Abscindantur , id est, eunuchizentur a
malis moribus, ne amplius generent in malum; non
enim vocant vos ad id ad quod vocati estis, id est,
ad libertatem, sed ad servitutem.
14. Vos enim libertatem , quia nec circumcisio,
nec aliae legales observationes curantur.
15. AUGUST. ( ibid. ) Ne libertatem , id est, ne audito
nomine libertatis vobis impune peccandum esse
arbitremini.
16. LANFR. Per charitatem . Quasi diceret: sola
charitas potest nos salvare, spreta carnali observatione;
et reddit causam dicens: quia omnis lex
dilectione impletur; et hac occasione breviter exponit
quae vitare et quae servare debeant Christiani
pro servanda charitate. Quibus expletis, ad superiorem
circumcisionis redit tractatum.
17. AUGUST. ( ibid. ) Omnis lex . Omnem legem nunc
dicit ex his operibus quae ad bonos mores pertinent.
18. LANFR. Spiritu ambulate . Et quia non sufficit
abstinere a malo, nisi fiat bonum, sequitur spiritu
ambulate , et habebitis hoc proficuum, quod desideria
carnis non perficietis. Et subdit cur contraria non
sunt, et ponit designationem in libro; hoc enim sibi
invicem: et probat, quia concupiscunt adversum se,
a specie.
19. AUGUST. ( De Genesi ad litteram , cap. 12.) Caro
concupiscit . Carnem itaque concupiscentem adversus
spiritum dicit Apostolus; carnalem procul dubio
delectationem, quam de carne et cum carne spiritus
habet adversus delectationem, quam solus habet;
solus quippe habet, ni fallor, illud desiderium non
cum carnis voluptate, vel carnalium rerum cupiditate
commistum; quod desiderat anima, et desiderat
in atria Domini.
20. LANFR. Caro concupiscit . Quasi diceret: Ideo
|
|