et priores, archipresbiteros, cantores, prepositos, preceptores,
magistros scholarium et cymiliarchas «dilectos in Christo filios»,
dicendo: «Gregorius, et cet. dilectis in Christo filiis abbati et
conventui Sancti Stephani Bononie salutem et benedictionem».
Canonicis, cappellanis et omnibus aliis clericis, doctoribus, magistris,
universitati scholarium dicit, «dilectis filiis» non ponendo
«in Christo»: «Gregorius et cet. dilectis filiis canonicis
Imolensibus» vel «clero civitatis Faventie» vel «dilectis
filiis doctoribus et magistris et universitati scholarium Bononie
commorantium salutem et apostolicam benedictionem».
XLIII.
Quomodo dominus papa scribit imperatori, imperatrici
et magnis personis.
«Gregorius episcopus, servus servorum Dei, F. illustri
Romanorum imperatori et semper augusto salutem et apostolicam
benedictionem». Et eodem modo scribit imperatrici, dicendo:
«Gregorius et cet. dilecte in Christo. G. illustri Romanorum
imperatrici et semper auguste salutem et benedictionem».
Reges autem et reginas, dominos et maiores principes
«illustres» appellat. Exemplum: «Gregorius et cet. dilecto
in Christo filio illustri regi Francie, Anglie, Ungarie,» vel «principi
Capue, duci Venetiarum» vel «Baverie,» vel «Austrie». Item
«dilecte in Christo filie illustri regine Francie» vel «comitisse
Campanie salutem et apostolicam benedictionem». Minores
vero appellat tantum filios, non dicendo «in Christo»: «Gregorius
et cet. dilecto filio nobili viro Salinguerre Ferrariensi, salutem
et benedictionem». Omnibus autem quos salutat indifferenter
dicit «salutem et apostolicam benedictionem».
|
|