Lanfrancus Ticinensis: In omnes epistulas Pauli commentarii, cum glossula interiecta

Pag 396


7. In Sancta Exponit quod superius vocaverit
tabernaculum non manufactum, videlicet sancta
sanctorum coelestia.
8. AMBROS. Ab operibus . Si quis tangebat corpus
mortuum, polluebatur; et hic si quis tetigerit opus
mortuum, contaminatur per conscientiam.
9. LANFR. Mediator est . In eo quod homo est, novi
Testamenti mediator fuit; quia legem Dei hominibus
attulit.
10. Morte intercedente . Christus mortuus est, non
solum ut gentes, sed et Judaeos, tam vivos quam
mortuos, ad vitam aeternam praedestinatos a praevaricationibus
quas ipsi sub veteri lege commiserant,
redimeret.
11. Ubi enim testamentum . Exponit causam cur
Christus mortuus sit, videlicet quia testamentum
conditurus erat. Testamentum autem nisi a moriente
non conditur.
12. In mortuis . Secundum legales saeculi loquitur,
in quibus praecipitur vivente testatore testamentum
non esse ratum. Est autem testamentum, a quo ad
divina testamenta similitudine ducitur, ordinatio

Torna all'inizio