55

et deinde venit Lucam. Postea tertio nona s Februarii, venit Pisas, ibique magnifice receptus
est, deinde ad Burgum Sancti Genesii perrexit, convocatis et coadunatis ibidem Consulibus
Pisanorum et Florentie et Lucensium et Ianuensium, petiit ab eis ut totam discordiam
que inter eos erat in eum sine omni conditione ponerent, et captivos quos habebant ei darent.
Lucenses et Ianuenses in iamdictum legatum totam discordiam sine omni conditione posuerunt
et iuraverunt. Pisani vero de captivis ei sine conditione dandis, consilium postulaverunt,
et ipse XX dierum indutias pro consilio ei tribuit. Consilio habito a Pisanis de non dandis ei
captivis sine pace, iam fatus Cristianus in generali curia contentioneque Pisanos disbannivit
et diffidavit, et privilegia monete, et Sardinee insule et omnia previlegia Pisanorum cassavit,
sicut potuit. Interea homines de castro Sancti Miniati iuraverunt Florentinos et Pisanos
adiuvare et cum eis semper esse, salve fidelitate Imperatoris.
A.D. MCLXXIII, indictione v. Comes Ildebrandinus pro iniuria quem ei fecerat
Bernardus Stratume de pecoribus Garfaniensium sue fidantie custodieque commissis, magnum
exercitum pro eis recuperandis contra eum preparavit, et auxilia a Pisanis petiit, et Pisani
CLX milites cum sagittariis et edificatoribus honorifice in eius auxilium mense Iulii direxerunt,
et ad predicti Bernardi castrum tutissimum, dictum Cirisano, obsidendum cum toto exercitu
iverunt; et cum illud viriliter cum edificiis pugnarent, tandem ad deditionem comiti Ildebrandino
illud cogerunt; quod comes suscepit et tenuit.
A.D. MCLXXIII, indictione V. Considerante archiepiscopo Maghentino illud quod de
Pisanis et adversus eos statuerat, et malam famam, que per totam Italiam de se insonuerat,
Pisanos in generali parlamento a banno absolvit, et in omnem plenitudinem prioris status,
et nominatim monete et totius Sardinee et omnium privilegiorum Pisane civitatis et comitatus
V kal. Iulii restituit, et in suam gratiam et benivolentiam eos reconciliavit. Et sic Pisanorum
consules precepta eius de pace tenenda iuraverunt.
A.D. MCLXXIII. Iam fatus Cristianus archiepiscopus, ipso die kal. Iulii, venit Pisas,
et secundo die in magno Pisanorum parlamento cum consulibus Lucensium et Ianuensium
eorumque sapientibus interfuit, et Florentinorum consules cum eorum sapientibus in eodem