in partes Gamundi et Marenghi atque Terdone perrexit
et in illis partibus in quadragesima permansit.
Mediolanenses autem destructionem Laudensis civitatis
desiderantes, in die Martis sancti predicte quadragesime milites
et pedites cum magna copia vexillorum et plaustrorum Laude
venerunt, summo diluculo Laudenses invadentes. Pars vero
peditum Laude per portam Imperialem egrediens cum Mediolanensibus
prelium inceperunt. Qui per longum tempus bellantes
et ex Mediolanensibus plerosque interficientes aliosque
plurimos sauciantes maximos impetus in eos faciebant, donec
Mediolanenses equites simul et pedites unanimiter in Laudenses
impetum magnum fecere et Laudenses paucissimos ad comparationem
hostium et tanto robori obsistere non valentes
usque in fossatum recepti civitatis acriter impulerunt, ex
eis quinque capientes, et insuper de Laudensibus tres interfecere;
reliqui vero intra civitatem se receperunt. Sed Mediolanenses
suos interfectos ac vulneratos recolligentes, quamvis
eximie dolerent, quod civitatem, quam sine gravi labore
capere putaverant, illesam relinquebant et ex suis multos
vulneratos, plerosque etiam interfectos reportabant, Mediolanum
tamen reversi sunt.
|
1
5
10
15
20
|