Domino legato Stephanus.
De presumptione que me ad scribendum tanto patri et domino, apud
quem nulla pro me precedentis obsequii exhibitio intercedit, impellit,
venia cum devotione petita, reverende paternitati vestre, cui, si libeat,
humilem me offero servitorem, devotis precibus supplico, petens supliciter,
quatenus preces domini mei, domini cardinalis, vobis pro fratre meo
sub spe gratie obtinende directas, contemplatione dicti domini mei et
intuitu mee devotionis, qua me, licet modicum, voluntati vestre devoveo
ad cuncta que placeant, ad benigne dignemini gratiam exauditionis admittere,
et illarum, si placet, per executionis optate successum oportunitatis
tempore reminisci.
|
|